وراء كل رجل عظيم

10/01/2016 07:25
وراء كل رجل عظيم

وراء كل رجل عظيم 

لا يا ناصح مش امرأة 

هكذا بدأ عصام الإجتماع فى تمام التاسعة وعشر دقائق عندما رأى على أمين علامات القلق والتوتر بسبب تأخير ندى عن هذا الإجتماع الهام .

وهنا تدخل ندى وهى تتحسس الكلمات : " وهو فى امرأة تاني فى الإجتماع ده 

وعلى الفور رد أمين قائلا : لا لا أبدأ ده انتى الخير والبركة 
احنا بس كنا بنسأل وراء كل رجل أعمال ناجح ايه ؟

ندى : اوووه ده بيبقى فريق كامل مؤمن بالفكرة وعنده استعداد انه يبنى الدنيا من جديد علشان تنجح .

عصام : وهو ده موضوع إجتماعنا النهاردة 

 

 

 

 

 

 

 

 

 

 

ندى : خلينا نتفق فى الاول على نقطة مهمة جدا ،، لازم خبراتهم تكون متنوعة بحيث تغطي معظم الوظائف التي تحتاجها الشركة تقنيا وماليا - يعنى اختيارنا حيكون على اساس الكفائة و الخبرة و بعيد خالص عن الارتياح او العاطفة

عصام : فعلا يا ندى دى نقطة جوهرية علشان كده لازم نسأل نفسنا . المهام المطلوب انجازها من كل فرد من افراد الفريق تحديدا ايه ؟ و عدد الاشخاص لكل مهمة و مهاراتهم ونحط معايير محدد لاختيارهم علشان منختلفش .

ندى : بصوا يا جماعة فى البداية مش لازم نتوسع اوى كفاية شخص واحد للمهام الادارية : يعنى مدير مالى و مدير اداري و مدير للمبيعات و واحد للتسويق و خدمة العملاء

أمين : انا موافق جدا كبداية شركة فى اول الطريق التقسيم الوظيفى هو الانسب و قدام شوية الدنيا حتتطور .

عصام : انا شايف اننا نختار المديرين و بعد كده كل مدير يشارك معانا فى اختيار فريق العمل التابع ليه علشان نضمن مجموعة عمل متناغمة و متماسكة و بكده نتجنب مشاكل كتير ممكن تضيع وقتنا و مجهودنا

أمين : طيب فى حجات مهمة لازم نتناقش فيها و تكون واضحة وضوح الشمس ☀ علشان نقدر نشرحها بالتفصيل لفريق العمل داخل كل ادارة من الإدارات

ندي : زى ايه يعنى يا سيادة مستشار الشركة

أمين : زى الرؤيا و الهدف ، تصوري الكارثة لو ادارة التسويق كانت شغالة فى اتجاه بعيد عن الهدف و بطريقة غير متوافقة مع رؤية الشركة . و لا المبيعات ؟

عصام : طيب خلينا نكون اكثر تحديدا فى توزيع المهام فى ضوء النقاط اللى اتكلمنا فيها .

ندى : بسرعة الله يخليك علشان انا جعاااااااااااانة موت و نفسي اشرب قهوة 

يكمل عصام حديثه الجاد متجاهلا محاولة ندى لتوريطة فى عزومة الغدا 
قائلا:
صياغة الرؤية و الهدف دى حتكون مسؤليتى انا و ندى وكمان توزيع المهام الإدارية بينى و بينها حنتكلم فيها بالتفصيل من الاول علشان منختلفش . 
اما انت يا أمين فياريت تحط معايير اختيار المدير المالى و مدير المبيعات و مدير التسويق علشان نبدأ فى اختيارهم وفى تشكيل مجموعات العمل فى اسرع وقت

أمين : على البركة .. إن شاء الله يكون فريق عمل قوى و متحمس لرؤيتنا و اهدافنا و شعلة نشاط .

ندى : انا حاسة اننا ورانا مهمة محتاجة تركيز لان مفيش تركيز و عصافير بطنى بتزقزق . نتغدى و بعدين نحط الرؤيا و الهدف و نوزع المهام الادارية وبكرة نكمل 
أمين : بكرة نكمل ، اسيبكم بقى و اروح اخلص كام مشوار .

وبكده عصام اتدبس فى عزومة ندى على الغدا  .. نسيبهم يتغدوا و نقابلكم الحلقة الجاية و مرحلة جديدة من كواليس النجاح

تدوينات اخرى

تألمت فتعلمت

10/01/2016 06:38

من هنا جاءت البداية تألمت فتعلمت فبدأ التغيير : - أحب اعرفكم بنفسي أنا عصام 32 سنة مهندس ديكور، الن

سنة اولى اونلاين

10/01/2016 07:02

  عندك فكرة بزنس جديد  بتفكر تبدأ على الانترنت .. وعايز تبدأ صح 4 خطوات رئيسية ومهمة عش

بداية انطلاق الحلم

10/01/2016 06:30

بداية انطلاق الحلم ...... بداية انطلاق فريق Brand Key ، عن الناس اللى نفسها تغير الكون وتتحدى ا

8 خطوات مهمة

10/01/2016 07:18

أسست البزنس أون لاين اخترت فكرة ومجال الموقع الإلكتروني اخترت الدومين بتفكّر ف الخطوة الأهم فريق