المحيط الأزرق

تخيل نفسك سمكه صغيره في وسط محيط كبير فيه أسماك كبيره وضخمه ، كل الاسماك فيه بتتصارع عشان تحقق هدفها لدرجة أن لون المياه بقي أحمر من كتر الدم ، تفتكر هتقدر توصل لحاجه أو تحقق هدفك.
هو ده تشبيه الكاتبينW.Chan Kim & Renee Mauborgne للسوق في كتابهمblue ocean strategy
السمكه الصغيرة دي هي منتجك أو الخدمة اللي بتقدمها والسمك الكبير هما المنافسين بتوعك في السوق أما الred oceanاو المحيط الاحمر هو السوق ، فكرة الكاتبين هنا انك مهما حاولت تقول للناس أن منتجك مختلف عن الباقي و أنه أفضل و مميزاته أحسن مش هتقدر توصل للنجاح المطلوب بسبب شدة المنافسه في السوق
فيبقي ليه تفضل عايم في الred ocean لما ممكن تتخلص من ده كله و تعوم في الازرقblue ocean
ودي كانت فكره الكتاب ، شان و رينيه قسمو الكتاب 3 اقسام:
يعرض الجزء الأول المفاهيم الأساسية لاستراتيجية المحيط الأزرقValue Innovation من خلال 4 أساسيات:
Raise:: خاص بالاسئلة اللي بتتعلق بالعوامل اللي داخل الصناعة زي معايير المنتج، والتسعير أو الخدمة.
Eliminate: و الجزء ده خاص بمعرفة مجالات الشركة أو الصناعة اللي تقدر تتخلي عنها تمامًا لتقليل التكاليف وإنشاء سوق جديد تمامًا.
Reduce: وهنا بتسأل عن مجالات المنتجات أو الخدمة الخاصة بشركة معينه مش ضرورية تمامًا وبس بتلعب دورًا مهمًا في مجال عملك زي مثلا تقلل تكلفة تصنيع مادة معينة لمنتج ما. تقلل المنتج بس مش هتتخلص منه تماما
Create: و في الجزء ده المؤلفين بيطالبوا القاريء انه يكون مبتكر مع منتجاته وده من خلال إنشاء منتج أو خدمة جديدة تمامًا ، يمكن للشركة إنشاء أسواقها الخاصة من خلال الابتعاد تماماً عن المنافسة.
يصف الجزء الثانيالمبادئ الأربعة لصياغة استراتيجيةblue oceanو ازاي تقدر المؤسسات تنشيء محيطات زرقاء خاصه بيها ، ويستخدم الكتاب العديد من الأمثلة في مختلف القطاعات لإظهار كيفية الخروج من التفكير التقليدي واستخدام المحيطات الزرقاء (إعادة البناء) التفكير الاستراتيجي. والمبادئ الأربعة دي هي
how to create uncontested market space by reconstructing market boundaries,: كيف يمكن خلق مساحة السوق بلا منازع عن طريق اعادة انشاء حدود السوق
focusing on the big picture: التركيزعلى الصورة الكبير
reaching beyond existing demand and supply in new market spacesالوصول الي اسواق جديدة تتخطي العرض و الطلب الحالي
getting the strategic sequence right: انشاء التسلسل الاستراتيجي الصحيح
3 – الجزء الثالث و الاخير هو عبارة عن المبدأين الرئيسيين لاستراتيجية المحيط الأزرق و المبادئ دي ضرورية للقادة عشان تقدر تتغلب على العقبات التنظيمية الأربعة الرئيسية اللي ممكن تمنع حتى أفضل الاستراتيجيات من التنفيذ.والعقبات ال 4 دول هما :the cognitive, resource, motivational and political hurdles(الادراك، والموارد، والعقبات التحفيزية والسياسية )التي تمنع الأشخاص المشاركين في تنفيذ الإستراتيجية من فهم الحاجة إلى الخروج عن الوضع الراهن ، والعثور على الموارد اللازمة لتنفيذ التحول الاستراتيجي الجديد
ملخص الكتاب بأختصار :
أكبر المشكلات قدامك كصاحب عمل أو منتج هي كيفية تمييز نفسك عن المنافسين ، أزاي تبقي ظاهر في وسط كل التنافس الفظيع اللي فالسوق ، ده بالاضافه ان المستهلكيين بقي عندهم خيارات محددة و المنتجات كتير ، و منافسينك بقوا اكتر من الاول بكتير
تفتكر هتعمل ايه ؟! هنا تيجي مهمة استراتيجية المحيط الازرقblue ocean strategyفبدل ما تنافس في وسط عدائي و تنافسي بشكل غريب “red ocean” لازم تدور علي الblue ocean الخاص بيك أو بمعني تاني تخلق لنفسك سوق خاص بيك بدون منافسه مثال ده شركةuberقبلها كان الاعتماد داخل مصر علي التاكسي بشكل اساسي و بره مصر كان برضه الاعتماد علي الشركات الخاصه بالtaxiاللي كانت بتتنافس بكل الطرق الممكنه فشركة أوبر خلقت لفسها سوق خاص بيها و هي الخدمهonline فبقي من غير المحتمل انك تقارنها باي شركة تانيه لانها ببساطة متنفعش تكون منافسه ليها
ونقدر نلخصلك الفرق بين الblue ocean & red oceanفالنقط التاليه :
من حيث التعريف :
المحيط الازرقبتقدم منتج أو خدمة لها قيمة مميزه و لها سوق خاص بها بعيدا عن منافسين أو منافسة
المحيط الاحمر : بتقدم منتج أو خدمة لها قيمة و لكن لها عدد من المنافسين في السوق وفي بينهم محاولات كثيرة للحصول على حصة أكبر في السوق.
من حيث المنافسه :
المحيط الازرق :مفيش فيه منافسة لأن المنتج أو الخدمة يكون منفرد و ليس له منافسين.
المحيط الاحمر : فيه منافسة شديدة و عدد كبير من المنافسين كل واحد منهم بيحاول يزود حصته في السوق
من حيث مساحة السوق :
المحيط الازرق : السوق كله بيكون لمنتج أو لخدمة واحدة
المحيط الأحمر : يكون للمنتج أو الخدمة مساحة من السوق حسب قوة المنتج أو العلامة التجارية.
من حيث الاعتماد فيه :
المحيط الازرق : بيعتمد علي الابتكار و الخروج عن المألوف و التفكير خارج الصندوق
المحيط الاحمر : بيكون الاعتماد فيه علي الميزه التنافسيه اللي بتميز كل شركة عن التانيه “وكلهم بيقدموا نفس المنتج أو الخدمة”
من حيث مميزات المنتج أو الخدمة :
المحيط الأزرق: يتميز المنتج أو الخدمة بتقديم قيمة متميزة بتكلفة مادية أقل.
المحيط الأحمر: يتميز المنتج أو الخدمة فيه بتقديم ميزة مختلفة و قد تكون بتكلفة أعلى
الكتاب بيقولك ببساطه فكر بره الصندوق و ابتكر المحيط الخاص بيك اللي تفرض فيه شروطك ونفوذك و خليك دايما فالأزرق