أغني رجل في بابل - BrandKey

أغني رجل في بابل

10/07/2019 06:24
أغني رجل في بابل

يحكي أن هناك صانع مركبات اسمه بانسر ، جلس في ضيق علي جدران مدينه بابل التقي بصديقه كوبي عازف القيثارة الاشهر بالمدينه و حكي له سبب ضيقه وهو ظروفه المادية الضيقة علي الرغم من انه اشهر صانعي المركبات ببابل ولكن الايرادات تكفي بالكاد المصروفات فأقترح عليه صديقه كوبي الذهاب إلي صديقهم القديم "أركاد" وهو أغني رجل في مدينه بابل علي الرغم من انه بدأ مُعدم من الصفر بالاضافه انه ساعد ابنه ان يبدأ بمدينه جديده و يصل للثراء.

توجها الصديقين الي أركاد طالبين منه النصح ، قابلهم بترحاب و تواضع ، وبناءاً علي طلبهم قام أركاد بتجميع أهل المدينه في الساحة و أعطاهم 7 نصائح للوصول للثراء و التطوير من نفسهم

النصائح هي :

  1. Start thy purse to fattening

سمن محفظتك : ادفع لنفسك أولا دي اول نصيحه قدمها ، من كل 10 عملات تحصل عليها أصرف 9 فقط و أحتفظ بالعمله العاشرة بعيدا عن متناول يديك (وفر 10% من ايراداتك)

  1. Control thy expenditures

تحكم في نفقاتك ،هناك مصروفات ضرورية و اساسية في الحياه و هناك مصروفات ترفيهية و غير ضرورية ، نصحهم اركاد بأنهم يسددوا المصروفات الضرورية الاول وبعد كده تبدأ تقنن المصروفات الترفيهية و تستغني عن الحاجات الغير ضرورية

  1. Make thy gold multiply

ضاعف الذهب الخاص بك ، ضاعف أموالك بالاستثمار  ، و يقصد أركاد هنا انك تستثمر ال 10% اللي وفرتهم و تحاول تكسب من خلالهم

  1. Guard thy treasures from loss

أحرس كنزك من الضياع ، يقصد هنا انك تدخل في اعمال مضمونه

الربح و تحاول تتجنب علي قد ما تقدر أنك تبعد عن الربح السريع اللي ممكن يكون معرض لخطر الخسارة

  1. Make of thy dwelling a profitable investment

أجعل مسكنك استثمارا مربحاً ، أو اسعي لشراء المنزل الخاص بك و هنا يقصد أن يبقي عندك أصول ثابته زي مثلا أرض ، عقار ،منزل مع الوقت ممكن يجيب فلوس أكتر

  1. Insure a future income

أمن دخل مستقبلي ، وهو هنا يقصد أنك تفكر كده لما تكبر و تعجز وتبقي مش قادر علي الشغل ايه اللي تقدر تعمله عشان يأمنلك دخل ثابت

  1. Increase thy ability to earn

زود قدرتك علي الكسب ، زود مهاراتك و استثمر في نفسك فده هيزود قيمتك الماليه وكمان تزود رغبتك في الحصول علي المال وده هيخليك تشتغل الشغل بتاعك بطريقة أحسن

دي النصائح السبعه اللي قالهم اركاد للجمع في أول جزء من كتاب The Richest Man in Babylon أغني رجل في بابل ، بعد كده بيحكي الكتاب 5 نصائح قدمهم أركاد لأبنه نوماسير قبل ما يروح مدينه جديده ويبدأ فيها طريقه للثراء

الجزء ده كان تحت عنوان The Five Laws of Gold

  • old cometh gladly and in increasing quantity to any man who will put by not less than one-tenth of his earnings to create an estate for his future and that of his family

يأتي المال بسهولة وبكميات متزايدة لأي إنسان يقوم بادخار ما لا يقل عن عشر إيراداته كي ينشئ ممتلكات من أجل مستقبله ومستقبل عائلته.

  • Gold laboreth diligently and contentedly for the wise owner who finds for it profitable employment, multiplying even as the flocks of the field

يعمل المال بكد ورضا من أجل صاحبه الحكيم الذي يجد وسيلة جيدة لإنمائه مما يجعله يتضاعف.

  •  Gold clingeth to the protection of the cautious owner who invests it under the advice of men wise in its handling

يبقى المال في حماية صاحبه الحريص الذي يستثمره في إطار النصح الذي يقدمه له الرجال البارعون في التعامل مع المال.

  • Gold slippeth away from the man who invests it in businesses or purposes with which he is not familiar or which are not approved by those skilled in its keep

سريعاً ما يفر المال من بين يدي الإنسان الذي يستثمره في أعمال وأغراض لا يألفها أو لا يوافق عليها من هم بارعون في الحفاظ عليه.

  •  Gold flees the man who would force it to impossible earnings or who followeth the alluring advice of tricksters and schemers or who trusts it to his own inexperience and romantic desires in investment

يفر المال من الإنسان الذي يجبره على جني إيرادات غير ممكنة أو يتبع النصائح المغرية التي يقدمها له المحتالون والمخادعون أو يعتمد في استثماره على خبرته المعدومة ورغباته العاطفية.

 

والنصائح دي الي حد ما متشابهة مع النصائح اللي قدمها أركاد لعامة الشعب.

بعد كده تيجي حكاية جديدة في الجزء السادس للكتاب بتحكي حكاية تاجر الدهب " ماثون " و هو قاعد بينصح راودان صانع الرماح ازاي يحافظ علي ثروته دي و ازاي يساعد أصحابه بيها.

  1. ساعد أصدقائك بطريقة لا تحملك الكثير
  2. لا تٌقرض إلا برهن له قيمه كبيرة
  3. ساعد الشخص المجتهد والحسن السلوك وأقرضه حتي بدون ضمانات
  4. القرض لابد أن يكون لغرض نافع
  5. ساعد أفراد عائلتك بطرق لا تضحي فيها بثروتك
  6. صادق الاشخاص الناجحة و أصحاب النفوذ

وختم النصائح بتاعته بجمله ( الحذر القليل خير من الندم الكثير )

 

بعد كده الكتاب بيحكي حكاية جديدة وهي حكاية تاجر الأبل داباسير  و صديقه اراد واللي بتحكي الطريقة المثلى للتعامل مع الديون وده من خلال قصة الاسر و العبوديه اللي تعرض ليها تاجر الابل داباسير بسبب الديون اللي كانت عليه و اللي أدت انه يبقي عبد في منتصف حياته  و اراد اللي اتولد عبد و قدروا يتخلصوا من العبوديه دي عن طريق العزيمة والاصرار و انهي الكاتب القصة بجملة ( اينما وجدت العزيمة ، وجد الطريق )

الكتاب مليان بالقصص و العبر و تعتبر قصة الرجل الاكثر حظاً في بابل هي فاكهة الكتاب وهي قصة شاهبندر التجار (شارونادا) اللي كان عايز يرد الجميل لصديق عمره العزيز "آراد جولا" وده عن طريق حفيده "هادان جولا" واللي باين عليه استهتار الشباب وقلة عزمهم على الكسب والثراء. و بدأ يحكي ليه قصته وقصة جده في الكفاح عشان يتمكنوا من صنع الثروة والوصول للمكانة الاجتماعية المرموقة، يمكن تقدر تحمسه و تحثه على تغيير سلوكه السلبي وتحويله إلى سلوك إيجابي بناء بيحاول يطور حياته.

وختم  جورج كلاسون كتابه بنبذه تاريخيه عن مدينة بابل  

علي الرغم من ان الكتاب  قديم ( صدر في 1926 تقريبا ) وان جورج كلاسون رجل اعمال مشهور وقتها و مش كاتب الا ان الكتاب يعتبر دسم جدا و قدر يوصل المعلومات بصورة مبسطة لانه ربطها بقصص ، كل قصه بتوصل رساله معينة للقراء ويعتبر من انجح الكتب واللي لسه بيتم طباعتها حتي وقتنا الحالي

تفتكر هتوصل لايه لو طبقت النصائح اللي موجوده في الكتاب؟

 

تدوينات اخرى

أهمية إعلانات جوجل و كيفية تقييمها

06/01/2019 12:50

أي رائد أعمال يخطط للنجاح ولزيادة حصته السوقية من المبيعات الخاصة بمشروعه دايما بيتجه للإعلان عن نشا

العميل مش دايما علي حق!؟

21/07/2019 07:59

هدف أي بيزنس هو تحقيق أكبر قدر من المبيعات ، و الوصول إلى أعلى مستوى من رضا العملاء   و عشان

أشهر أخطاء السيو

06/01/2019 06:28

إذا كنت ترغب بالربح من خلال موقعك الإلكتروني او ان تبدأ العمل بمجال السيو عليك الإنتباه لبعض الاخطاء

فن جذب العميل

18/07/2019 11:06

من عوامل نجاح أي شركة هو قدرتها على التوسع واكتساب عملاء جُدد. و نتائج الأبحاث اللي قامت بها شركة Fo