كل هذا الضفدع؟! - BrandKey

كل هذا الضفدع؟!

07/07/2019 08:03
كل هذا الضفدع؟!

تخيل انك بتصحي كل يوم الصبح تلاقي مديرك يطلب منك تاكل من 3: 4 ضفادع حيه اكيد شعورك هيكون بشع و مش هتقدر و هتحاول بكل الطرق تتجنب الموضوع ده

وهتبدأ في مرحلة ال procrastination  او مرحلة التسويف و المماطله يعني هتبدأ تدور علي كل الاكل التاني اللي المفروض تاكله و تأجل أكل الضفدع للنهايه بس للاسف عقبال ما توصله هتكون طاقتك خلصت فمش هتقدر تاكل الضفادع دي

هي دي فكره كتاب eat that frog ! " كُل هذا الضفدع ! " للكاتب براين تريسي Brain Tracy

براين استخدم الرموز في القصه والضفدع بيمثل أسوء حاجه المفروض عليك تعملها في يومك

وبتأجيلك لأكل الضفدع ده ،انت بتخسر وقتك ومبتقدرش تحقق أهدافك

تريسي اعتمد علي قاعدتين مهمين جدا لتوضيح فكرته وهما

  1. If you have to eat two frogs, eat the ugliest one first.’ :

 لو لازم تاكل ضفدعين كل الضفدع الابشع الاول بمعني لو قدامك مهمتين لهم الاولويه ابدأ بالمهمه الاصعب و الاثقل علي نفسك

  1. If you have to eat a live frog at all, it doesn't pay to sit and look at it for very long.’:

لو لازم تاكل ضفدع فمفيش اي داعي انك تأجل الموضوع حاول تخلص منه في اسرع وقت

بعد كده قدم براين 21 نصيحه لاستغلال وقتك وانجاز مهامك في اسرع وقت :

1. Set the Table: قبل ما تبدأ في اي عمل ، الاول أعمل جدول حدد فيه أهدافك

2. Plan Every Day in Advance: فكر في ورقة. كل دقيقة هتقضيها في التخطيط هتوفر لك 5 أو 10 دقائق في التنفيذ

3. Apply The 80/20 Rule to Everything: طبق قاعده 20 / 80 في كل حاجه وهي قاعده بتقول ان 20٪ من أنشطتك هتشكل 80٪ من نتائجك. فركز دائمًا على جهودك في تحقيق ده بنسبة 20٪ علي الاقل

4. Consider the Consequences: ركز علي نتائج عملك و اعرف ان أهم مهامك وأولوياتك هي اللي بيكون لها أخطر العواقب ، الإيجابية أو السلبية ، على حياتك أو عملك. وحاول التركيز عليها قبل أي شيء.

5. Practice Creative Procrastination: مارس التسويف الإبداعي ، عشان انت مش هتقدر تقوم بكل المهام بالشكل المطلوب اتعلم تأجل المهام اللي قيمتها أقل بحيث يكون عندك الوقت تقوم بالمهام اللي فعلا تهمك وهتأثر عليك.

6. Use the ABCDE Method Continually: قبل ما تبدأ في تنفيذ مهامك حاول ترتب اولوياتك و ترقم مهامك بحيث الاولويه هتكون ل A

7. Focus on Key Result Areas: حدد النتائج اللي متوقعها بشكل إبجابي و أدي المهام اللي ليها نتائج أكتر وليها الاولويه في التنفيذ

8. The Law of Three: حدد 3 حاجات في شغلك بيمثلوا 90% من عملك وركز علي انجازهم قبل اي حاجة تانيه وده هيوفرلك وقت أكبر لحياتك الاسرية و الشخصيه.

9. Prepare Thoroughly Before You Begin: حدد كل اللي هتحتاجه لانجاز مهامك جمع كل الأوراق والمعلومات والأدوات ومواد العمل والأرقام اللي هتحتاجها عشان تقددر تبدء وتستمر

10. Take It One Oil Barrel at A Time: هتقدر تكمل المهمة الاكبر و الاكثر تعقيدا لو خلصتها في مره واحده (براين رمز للمهمة الاكبر ببرميل البترول وطلب منك تخلصه مره واحده)

11. Upgrade Your Key Skills: نمي و طور مهاراتك عشان تساعدك تنجز عملك بشكل أسرع و أفضل

12. Leverage Your Special Talents: حدد مهاراتك الخاصة و حاول تستفيد منها في تنفيذ مهامك

13. Identify Your Key Constraints: حدد نقاط الضعف اللي ممكن تأثر عليك و تعطلك عن تحقيق هدفك و حاول تعالجها.

14. Put the Pressure on Yourself: تخيل انك هتضطر للسفر لمده شهر مثلا و أضغط نفسك عشان تحقق الاهداف الاهم قبل السفر.

15. Maximize Your Personal Power: حدد الوقت اللي بتكون فيه أكثر قوه و تركيز في اليوم و خليه هو ده الوقت لتنفيذ المهام الاكثر أهمية.

16. Motivate Yourself into Action: شجع نفسك وركز علي الايجابيات في كل عمل بتقوم بيه و ركز علي الحلول بدل من التركيز علي المشاكل.

17. Get Out of The Technological Time Sinks: أتعلم استخدام التكنولوجيا و لكن ركز في انك متعتمدش عليها بشكل اساسي.

18. Slice and Dice the Task: حاول تقسم المهام الصعبه و الكبيره لمهام بحجم bite-size او القطمه و ابدأ بيها هتسهل عليك تنفيذها.

19. Create Large Chunks of Time: قسم يومك لاوقات بحيث تقدر تستفيد منه في تنفيذ المهام الصعبه

20. Develop A Sense of Urgency: حاول تكون الشخص المعروف بأنه بينجز المهام بوقت أسرع و شكل جيد.

21. Single Handle Every Task: حدد أولوياتك بوضوح ، وابدأ علي طول في مهمتك الأكثر أهمية ، واشتغل بدون توقف لحد ما تكمل المهمة بنسبة 100٪. وده هو المفتاح الحقيقي للأداء العالي والإنتاجية الشخصية .

النصائح اللي قدمها براين تريسي تقدر تنفذها علي حياتك بشكل عام سواء علي الناحية العملية أو العاطفيه و هو ده ذكاء الكاتب

ملخص الكتاب ببساطه انك مضطر تأكل الضفدع ( اللي هو شغل أو علاقه أو اي حاجه تقيله عليك في تنفيذها ) فالافضل انك تأكله في بدايه نشاطك و متأجلوش عشان متخسرش وقت ومجهود و توصل لأكبر قدر ممكن من النجاح بدون أهدار وقت ، لو قدامك ضفدعين لازم تاكلهم أختار الضفدع الاقبح (يعني قدامك مهمتين أبدأ بالمهمة الاصعب و الاتقل علي نفسك الاول و متحاول تماطل فيها عشان تنجح أسرع و بشكل صح)

وفي الاخر ايه ممكن يحصلك في يومك أسوأ من أنك تاكل ضفدع حي علي الصبح؟

قولنا ايه اقبح ضفدع مضطر تاكله في يومك؟

تدوينات اخرى

أهمية إعلانات جوجل و كيفية تقييمها

06/01/2019 12:50

أي رائد أعمال يخطط للنجاح ولزيادة حصته السوقية من المبيعات الخاصة بمشروعه دايما بيتجه للإعلان عن نشا

العميل مش دايما علي حق!؟

21/07/2019 07:59

هدف أي بيزنس هو تحقيق أكبر قدر من المبيعات ، و الوصول إلى أعلى مستوى من رضا العملاء   و عشان

أشهر أخطاء السيو

06/01/2019 06:28

إذا كنت ترغب بالربح من خلال موقعك الإلكتروني او ان تبدأ العمل بمجال السيو عليك الإنتباه لبعض الاخطاء

فن جذب العميل

18/07/2019 11:06

من عوامل نجاح أي شركة هو قدرتها على التوسع واكتساب عملاء جُدد. و نتائج الأبحاث اللي قامت بها شركة Fo