من حرك قطعة الجبن الخاص بي ؟! - BrandKey

من حرك قطعة الجبن الخاص بي ؟!

07/07/2019 09:11
من حرك قطعة الجبن الخاص بي ؟!

كان يا مكان في قديم الزمان كان في 4 فأرين (  "Sniff" & "Scurry ) و قزمين (  "Hem" & "Haw ) عايشيين مع بعض في متاهة وكانوا بيحبوا الجبنه جدا و بيعتبروه مصدر سعادتهم .كل يوم الصبح يلبسوا حذاء مخصصينه للجري و يخرجوا يدورو علي الجبنه في المتاهة لحد ما قدروا يوصلوا لمكان كله جبنه اسمه "Cheese Station C" ، بعدها بقي كل يوم يروحوا المكان ده يجيبوا جبنه وبقي روتين يومي.

كل يوم الفأرين بيصحوا بدري جدا يلبسوا كوتشي الجري و يروحوا المكان ده يأكلوا و يأخدوا احتياجهم و يحسبوا باقي قد ايه من الجبنه ،علي عكس القزمين اتخلوا عن الكوتشي اللي مخصصينه للجري في المتاهة و استبدلوه بواحد تاني مش بيساعدهم في الجري لانهم ببساطة مش ناويين يدوروا ، هما هيروحوا ياكلوا جبنه و يفرحوا و بعدها يروحوا من غير اي تفكير في اي حاجة تانية غير في سعادتهم فالوقت الحالي.

وفي يوم من الايام سنيف و سكوري و هيم و هاو خرجوا عشان يجيبوا الجبنه زي كل يوم و لما وصلوا محطة الجبنه اتفاجؤا ان الجبنه اختفت

الفأرين سنيف و سكوري بدون تفكير مشيوا من Cheese Station C وبدؤا يبحثوا عن الجبن في باقي المتاهة

القزمين سنيف وسكوري فضلوا مذهولين و مش مصدقين ان الجبنه اختفت و كانوا في حالة غضب و صدمة

مر يوم و اتنين و للاسف الجبنه مرجعتش تاني مكانها ... هاو من كتر الجوع عرض علي هيم انهم يخرجوا للبحث عن الجبنه في باقي المتاهة ... هيم اعترض و رفض وقاله ان المتاهة خطر جدا بره وانه بيفضل البقاء هنا فالامان و انتظار رجوع الجبنه تاني و فضل يصرخ ويقول  who move my cheese مين حرك الجبنة بتاعتي؟!!

في الوقت ده سنيف و سكوري كانوا لقوا مكان جديد اسمه Cheese Station N وفيه جبنه اكتر من المكان القديم

هاو من كتر الجوع مقدرش يتحمل رجع البيت و فضل يدور علي الكوتشي اللي مخصصه للجري  وقرر يطلع يدور لوحده علي الجبنه من غير صُحبه هيم

هاو كان فالاول خايف جدا وحاسس ان فعلا المتاهة خطر و شويه وبدأ يحس بالوحده ويفتقد صديقه هيم و بدأ يكتب علي جدران المتاهة كلمات عشان لو حب يرجع او لو صديقه هيم اتخلي عن عناده بالبقاء في محطة الجبنه القديمة وقرر يدور علي الجبنه في باقي المتاهة يعرف يوصله

هاو كان بيكتب جُمل بالمشاعر اللي كان بيحسها فكتب فالاول ( What Would You Do If You Weren't Afraid ) تفتكر هتعمل ايه لو ما خفتش ،بعد كده كتب "When you move beyond your fear, you feel free." لو اتجاوزت مخاوفك هتحس بالحرية

لما هاو كتب كده كان فعلا بدأ يحس بالحرية وعدم الخوف و انه قادر يتصرف لوحده فالوقت اللي اتخلي فيه عن خوفه لقي جبنه بس كانت فتات جبنه حبه صغيرين واقعين في الجمب

هاو قرر يرجع لصديقه هيم و يقوله انه لقي جبنه بره تعالي معايا دور اكيد هنلاقي تاني ، هيم رفض بشده و قاله ان الجبنه بتاعتي هنا و اكيد هترجع مكانها تاني و فضل برضه يصرخ ويقول how move my cheese ، هاو لما يأس انه يقنع صاحبه قرر يخرج تاني يدور في المتاهة علي جبنه لوحده

وفعلا  خرج هاو للبحث عن مكان تاني للجبنه ولقي نفس المكان اللي الفأرين لقوه Cheese Station N

هاو ادرك حاجه مهمة جدا لما وصل لمحطة جبنه ن وهي ان لما حياتك تتغير معتقداتك هتتغير

هاو فضل مستني صاحبه هيم و فضل يكتب له علي جدران المتاهة علي امل انه يغير قراره و يطلع من دائره الامان و يخاطر عشان يوصل للجبنه وفالاخر هيم فعلا بسبب الجوع قرر يخرج و استدل بكلمات هاو للوصول لمكان الجبنه الجديد

الكلمات اللي كتبها هاو علي جدران المتاهة هي ملخص افكار الحدوته وهي :

Change Happens They Keep Moving the Cheese

الجبنه مهما انت عملت لازم هتتحرك

Anticipate Change Get Ready for The Cheese to Move

توقع التغيير و استعد عشان الجبنه دايما مكانها هيتغير

Monitor Change Smell the Cheese Often So You Know When It Is Getting Old

راقب دايما التغيير اللي بيحصل عشان تقدر تعرف امتي الجبنه هتقدم

Adapt to Change Quickly the Quicker You Let Go of Old Cheese, The Sooner You Can Enjoy New Cheese

تكيف مع التغيير بسرعة عشان تقدر تستمتع بالجبنه الجديدة بعد نفاذ الجبنه القديمه

Change Move with The Cheese

غير معتقداتك و اتحرك مع الجبنه

Enjoy Change! Savor the Adventure and Enjoy the Taste of New Cheese!

استمتع بالتغيير و بالمغامرة و بطعم الجبنه الجديد

Be Ready to Change Quickly and Enjoy It Again They Keep Moving the Cheese.

استعد للتغير الجديد واستمتع بيه لان الجبنه هتفضل في تحرك

 

ملخص الحكم دي اللي هتفيدنا في حياتنا وفي البيزنس:

الكلام اللي فات ده لو قريته من غير تركيز هتفتكرها حدوته للأطفال و ده كان مقصود من الكاتب سبنسر جونسون عشان يأثر بسهوله علي القارئ و يعيشه معاه في الحدث و يفتكر الكلام بسهولة

Spencer Johnson بدأ الكتاب بمجموعة من الاصدقاء متجمعين و في واحد منهم بيحكي ان حياته اتغيرت بعد ما سمع قصه و بدأ يحكلهم عن حكاية الجبنه

جونسون استخدم الرموز لتوضيح فكرته : استخدم الجبنه للتعبير عن اي حاجة احنا عايزين نحققها زي الوظيفة أو المال أو حتي علاقه شخصيه ، أما المتاهة بتمثل المكان اللي بتدور فيه عن الجبنه زي  الشركة اللي بتشتغل فيها

سبنسر بيأكدلك انك لو متقبلتش التغيير و استعديت ليه مش هتقدر تتعايش مع الواقع

علي الرغم من ان الكتاب يصنف تحت فئة كتب ال self-help  او ال motivational او التنمية البشرية لكن في كتير اعتبروه كتاب ومرجع ممتاز في البيزنس و التسويق لانهم طبقوا الكلمات اللي كتبها هاو علي ممرات المتاهة وقدرت تنجحهم في عملهم

مثال علي ده شركة نوكيا الكتير من الناس شبهوها بالفأر هيم الشركة كانت الرائدة في مجال الهاتف النقال ( الموبيل ) و كانت مستحوذه علي السوق في عام 2007 بنسبة 40 % ولكن الشركة مغيرتش من نفسها و فضلت متمسكة ب  Cheese Station C و ما واكبتش مع الثوره اللي حصلت في عالم الموبيل فخسرت الأفضليه و مكانتها و وصلت حصتها عام 2013 إلي 3% بس من السوق وبعد كده استحوذت عليها شركة Microsoft

 

وبكده خلصنا كتاب النهارده ... قولنا انت مين من شخصيات الكتاب ؟

تدوينات اخرى

أشهر أخطاء السيو

06/01/2019 06:28

إذا كنت ترغب بالربح من خلال موقعك الإلكتروني او ان تبدأ العمل بمجال السيو عليك الإنتباه لبعض الاخطاء

أهمية إعلانات جوجل و كيفية تقييمها

06/01/2019 12:50

أي رائد أعمال يخطط للنجاح ولزيادة حصته السوقية من المبيعات الخاصة بمشروعه دايما بيتجه للإعلان عن نشا

المحيط الأزرق

07/07/2019 08:32

تخيل نفسك سمكه صغيره في وسط محيط كبير فيه أسماك كبيره وضخمه ، كل الاسماك فيه بتتصارع عشان تحقق هدفها

البقرة البنفسجية

07/07/2019 09:10

العنوان اللي انت قريته صح مش غلطة