العميل مش دايما علي حق!؟ - BrandKey

العميل مش دايما علي حق!؟

21/07/2019 07:59
العميل مش دايما علي حق!؟

هدف أي بيزنس هو تحقيق أكبر قدر من المبيعات ، و الوصول إلى أعلى مستوى من رضا العملاء

 

و عشان كده من الأقوال الشائعة :  " The Customer Is Always Right "

بس تحقيق رضا العميل مينفعش يكون على حساب البيزنس بتاعك ، عشان كده نظرية

" العميل دايما على حق " مش صح دايماً  لإن في بعض العملاء  مينفعش تقبل بالتعامل معاهم ، في حال لو كان وجودهم بيتعارض مع مصلحة البيزنس بتاعك.

 

و من الطبيعي  في أي بيزنس انك بتواجه بعض المشاكل أو التحديات في التعامل مع عملاؤك ، و هنا لازم تبذل أقصى جهدك  لحل المشاكل ، و الوصول لأعلى مستوى من الـ Customer loyalty ، بس على الجانب الآخر ، في بعض الحالات أو بعض العملاء ممكن يكون وجودهم ضار بمصلحة البيزنس بتاعك و غير مُربح.

 

و دول 8 أمثلة للعملاء اللي ضروري تنهي معاهم الـ contract اللي بينكم :

 

1-  العميل اللي صعب ارضاؤه لان طلباته بتكون unreasonable و هنا مهما فريق العمل بذل من مجهود في إدارة مشروعه ، هنلاقي دايما النتائج مش عاجباه مهما كانت كويسة. العميل ده بيستهلك كتير من وقت و مجهود فريق العمل  ، و بالتالي بيكون الأفضل تستغل طاقات فريق العمل مع عملاء اخرين يكونوا cost effective لشركتك.

 

2- لو بتطوّر الخدمة  اللي بتقدمها باستمرار و لاقيت ان العميل مازال not satisfied عن المنتج بتاعك أو الخدمة اللي بتقدمها ، لأنها مش مناسبة ليه أو مش بتلبّي احتياجاته ، يبقى الأفضل تـ recommend ليه شركة تانية غيرك تكون مناسبة ليه أكتر.

 

3- لو الـ Attitude بتاع العميل كان غير لائق ، و مبيحترمش موظفين الشركة أو الـ Process بتاعتها. 

 

4- لو كان العميل عنده مشكلة باستمرار في الـ Payment مقابل الخدمات اللي بيحصل عليها من شركتك ، وهنا ممكن نوضح ده بعدة أمثلة : 

 

المثال الأول : لو كان التأخر في الدفع بسبب وجود بعض المشاكل المالية لدى العميل أو انشغاله بالبيزنس بيأثر على انتظامه في الدفع ، بالتأكيد ده هيأثر بشكل سلبي على الـ Cash flow الخاص بشركتك ، و لتجنب المشكلة دي تقدر تتفق معاه على دفع تكاليف العمل بشكل مقدم لمدة شهرين أو تلاتة

 

المثال الثاني: إذا كنت بدأت في تحسين و تطوير خدمتك ، بالتأكيد ده هيتسبب في زيادة تكلفة الخدمة ، وممكن تلاقي رفض تام من بعض العملاء ، و بالتالي مش هيكون قصادك غير إنك تاخد قرار بإقالة العميل أو استعدادك لخسارة المال !

 

5- لو كان العميل not profitable enough لشركتك ، بمعنى ان العميل يكون طالب خدمة تكلفتها ضعيفة جدا و هيتبذل فيها و قت و مجهود كبير من فريق العمل ،  و بالتالي الأفضل تحديد الحد الأدنى للخدمات و التكاليف اللي تكون فعلا مربحة للشركة.

 

6- لو كانت الـ Budget بتاعت العميل قليلة أو غير مناسبة لتحقيق الـ Target بتاعه ، يبقى هنا لازم متوافقش بالـ Deal ده ، لأنه في مخاطرة بسُمعة شركتك لو مقدرتش توصل للنتائج اللي هو عايزها ، و في الحالة دي يا تقنعه بزيادة الميزانية ، أو تغيير التارجت المطلوب بما يتناسب مع ميزانيته.

 

7- لو طلب العميل منك تنفيذ بعض بعض الأفكار أو الأنشطة الغير أخلاقية أو غير قانونية.

8- لو كانت الخدمة أو المنتج بتاع العميل مفيش business need ليه ، أو غير متوقع ليه النجاح بسبب قلة جودته أو سعره الغير مناسب  ، أو أي أسباب أخرى. في الحالة دي لو قبلت التعامل مع العميل ده هيكون فيه مخاطرة بسُمعة شركتك.

 

 

و في النهاية قبل ما تاخد قرار الاستغناء عن بعض عملاء شركتك ، لازم تبقى عارف ازاي تقدر تنفذ ده بشكل لائق ميزعجش العميل و ميضرش بالـ company image الخاصة بيك.

 

و دول 4 نصائح هتساعدك في إنهاء العلاقة مع العميل بصورة مناسبة ولائقة

 

1- Be appreciative and positive : اشكر عميلك على تجربته لمنتجك أو الخدمة بتاعتك ، و على تعامله مع البراند بتاعك بشكل عام

 

2- Be friendly : اعتذر للعميل و متحاولش عند الحديث معاه ، انه يحس في كلامك بهجوم شخصي عليه و على سبيل المثال : مش من اللائق إنك تقوله انك مرتاحتش في التعامل معاه أو ان طلباته في الشغل كانت زيادة و مش منطقية ، بس الأفضل إنك تجمع مواقف أو مشاكل محددة حدثت بالفعل أثناء التعامل بينكم خلال فترة معينة ، و تقدر تقوله إنك بناء عليها أخدت القرار ده.

 

3- Be smart : من الذكاء وانت بتنهي التعامل مع العميل ، إنك تحاول تحتفظ بعلاقة جيدة معاه حتى بعد انتهاء علاقة البيزنس بينكم ، و على سبيل المثال : تقدر تعرض علي العميل خصم معين على رسوم الدفع الأخيرة أو اعفائه منها كنوع من المجاملة و تقدير العميل

 

4- Offer alternatives :  انك تعرض بدائل أخرى للعميل زي إنك تـ recommend ليه شركات أخرى تكون مناسبة أكتر لتحقيق أهدافه و احتياجاته في البيزنس.

و لو محتاج أي استشارة تسويقية في مجال الـ Digital Marketing ، تقدر تحصل معانا على استشارة مجانية اضغط هنا

 

تدوينات اخرى

أهمية إعلانات جوجل و كيفية تقييمها

06/01/2019 12:50

أي رائد أعمال يخطط للنجاح ولزيادة حصته السوقية من المبيعات الخاصة بمشروعه دايما بيتجه للإعلان عن نشا

أشهر أخطاء السيو

06/01/2019 06:28

إذا كنت ترغب بالربح من خلال موقعك الإلكتروني او ان تبدأ العمل بمجال السيو عليك الإنتباه لبعض الاخطاء

فن جذب العميل

18/07/2019 11:06

من عوامل نجاح أي شركة هو قدرتها على التوسع واكتساب عملاء جُدد. و نتائج الأبحاث اللي قامت بها شركة Fo

كل هذا الضفدع؟!

07/07/2019 08:03

تخيل انك بتصحي كل يوم الصبح تلاقي مديرك يطلب منك تاكل من 3: 4 ضفادع حيه اكيد شعورك هيكون بشع و مش هت